Conaant Pheairt

Conaant Pheairt

Sorçh	Conaant shee
Date Coardailys	1266
Ynnyd	Peairt, Nalbin
Parteeyn	Reeriaght Norlynn Reeriaght ny h-Albey
Çhengey	Ladjyn Vean-Eashagh

She conaant shee 1266 eh Conaant Pheairt hug jerrey er caggaghyn eddyr Magnus VI Reeriaght Norlynn as Alexander III Reeriaght ny h-Albey er kiondeeaght ny h-Inshyn Goal as Vannin.

Roish my daink stiagh ny Wiggynee, va ny n-Inshyn Goal yiass fo reeriaght Ghaelgagh, Dal Roih-Oddey, as va ny h-Inshyn Goal hwoaie fo stiurey Pictagh.^{[Notey 1]}

Rere Feniagh-Skeeal Orkneyinga, tra hie Harald I Norlynn er crooiney mysh 872 BNJ, hie ymmodee noidyn er çhea dys ellanyn ny h-Albey.^{[Notey 2]} Ren Harald geiyrt orroo, as goaill stiagh Ellanyn y Twoaie 'sy reeriaght ayns 875 as ny h-Inshyn Goal mysh jeig bleeaney ny s'anmey. Hie Mannin er goaill ec ny Norlynnee traa ennagh eddyr 877 as 900 BNJ.^[4]

Ayns 1098, ghow Magnus III Norlynn barriaght er kione-fir Norlynnagh reeriaghtyn beggey yn Orkaid, ny h-Inshyn Goal as Mannin. Chossyn eh stiurey reeoil jeeragh er ny h-ellanyn. Ren Edgar ny h-Albey coardailys marish Magnus as lhiggey voish ny h-ellanyn.

Hie Conaant Pheairt er coardail ayns 1266 tree blein ny lurg Caggey Largs as eiytys neuhickyr echey. V'eh fo Haakon IV Loghlynn aahoieaghey orroo rish y nah hourey, agh hooar eh baase rish y gheurey. Va Magnus VI ny eiyrtyssagh echey, as hirr eh er shee liorish y chonaant.

Ta'n conaant goaill rish kiondeeaght ny h-Albey er ny h-ellanyn er son sym-glout dy 4000 margyn as bleeanaght dy 100 margyn. Chammah's shen, ren Nalbin goit rish kiondeeaght Norlynn er Shetlynn as yn Orkaid.

1. ↑ James Hunter (2000). Last of the Free: A History of the Highlands and Islands of Scotland (Baarle). Edinburgh: Mainstream, 44, 49. ISBN 1840183764.
2. ↑ William PL Thomson (2008). The New History of Orkney (Baarle). Edinburgh: Birlinn, 24-27. ISBN 9781841586960.
3. ↑ Donald Gregory [1881] (2008). The History of the Western Highlands and Isles of Scotland 1493–1625. Edinburgh: Birlinn. ISBN 1904607578.
4. ↑ Woolf, Alex (2007). From Pictland to Alba, 789–1070, The New Edinburgh History of Scotland. Edinburgh: Edinburgh University Press, 141. ISBN 0748612345.

Cite error: <ref> tags exist for a group named "Notey", but no corresponding <references group="Notey"/> tag was found